6/8/09

媽媽終於做完手術返來了...好內無食過住家飯了~~
今晚我決定俾自己放假一晚, 唔去番工!
放暑假都差不多2個月有多, 一刻都好像沒有停下來。。。
有些人會覺得每日都有活動是好充實。
我原本都以為係咁~
但生活好像過得好累,
這是否真正我想過的生活呢?
當生活最終迫得透不過氣時, 好像終於醒覺了~
良久沒有試過在家睇日落了!
原來如此我已經好滿足
原來有媽媽在家係咁好,
原來有住家飯食是如此幸福!
失去才學懂珍惜!
幸好我還有機會珍惜~
今晚我向媽媽學習烹飪-- 梅菜腩肉
終於開始實行我目標的第一步--學烹飪!
因為我要將來做個好老婆~
I really miss you~~
要平安回來呀!!!

5/8/09

每次見面時都好輕鬆, 好舒服。真的好enjoy一起的日子啊!
經過一番的籌備, 各方面都好好。希望你們都滿意啦~~
食物是creambe介紹的意味半自助餐, $130 有main course 又可以任食海鮮, salad, dessert
而且質素都的確好好~誠意推介!!!

祝您地3個happy birthday, 心想事成, 來年恩典常在~
3個一齊慶祝都不錯丫~好開心我們又多一個回憶啊!
今晚好開心有你們由8:00 坐到打烊...我們竟然坐到最後^^

我都好鍾意呢首詩歌, 0的歌詞好有意思, 個melody令人好舒服^^ 有機會希望你妳您都 聽聽 啦!! 相信您一定會愛上。。。

平凡裡遇著你

等，心渴望再自由，心靈竟被困，
尋，兒童那樣眼神，點點的真心，
你對我真摯從未像陌生人，你對我感情最真。

平凡裡遇著你，如同故事優美，人生因你美麗新奇。
明瞭快樂道理，懷著信心因你，心像浮雲再遠飛。

心，不怕累再覓尋，心靈不被困，
想，抓緊一分一秒，演好我戲份，
不須修飾，真我願力盡所能，我理想不曾變更。

平凡裡遇著你，如同故事優美，
人生因你美麗新奇，（繁囂都市裡清新空氣，）
明瞭快樂道理，懷著信心因你，
心像浮雲再遠飛。（今日尋回了我自己。）

願能突破，每步容我，嘗試了解自己，
縱有做錯，也經過，走過的日子，都憶記。

28/3/2009
小學同學10年後既第三次聚會。多得大家籌備令到我地可以keep住見面，真好！！
見返以前矮的的既同學仔真係覺得好奇妙！
之前成日羨慕人地有小學同學gathering。。。呢家終於唔洗恨了！
我地呢班人既友誼真係好純真真真！
好想一直keep住。。。直到永遠！

竟然有機會同幾個小學同學仔傾信仰，而其中倆個都係未信！
作為基督徙既我真係要好好反省呀！
要同人傳福音就先要準備好自己（靈命上）
好想明白多０的多０的上帝既話語！！！！！！！

29/3/2009
見證cato＆uby既wedding真好，真係好感動。
雖然每個的結婚典禮都係一樣，但我心目中我覺得我參加既每一個婚禮都係unique嫁！
不單見證他們既愛情，也見證上帝的愛！

話咁快就５年了！話咁快就對左你５年了！
好開心今日可以重遊初相識既餐廳，食我好飽，好滿足！！！
當中真係有喜有悲。
回顧過往我地成長了！無論相處上，個人既層面上都成長了！
好慶幸沿途有您！要永遠記住甜也要吃，苦也要吃！

話說星期四返到main campus, 離開既時候經過social science department。
竟然<俾paul wong 撞到我> p.s. 而唔係我撞到佢! 所以係佢主動叫我!
仲要以好溫柔既聲音問我係到做咩?
同平時上堂嚴肅既佢簡直判若兩人。。。
發生咩事?
唔想佢只抱住嚴師出高徒的心態, 做呢一切都係為我地好???

陰差楊錯, 出錯lift, 要行樓梯2層, 竟然俾我撞到wai to sir, 咩真係咁岩呀??
今次我主動叫佢! 佢諗諗下先記得我個名。
本性熱情既佢不斷叫我 scope interview 唔洗驚。。。
好多支持, 鼓勵.....

如果想撞到miss, 阿sir 不防多0的返main campus!!

足足有半年多無寫xanga了, 封塵左咁多都唔知邊個有緣人...
近來心裡面常常都有好多感受想分享下...

呢個social science課程話咁快就讀左2年了!
我讀social science一來係因為我唔想從商(雖然浪費左中學4年苦讀的知識)
二來係因為我想識多0的野!
2年快過去了, 回顧過往, 我都無後悔了! 因為的的確盡力了, 而且我都算達到我的目的丫~
雖然呢一科出到來唔知可以做邊行,
因為social science 就係一科可以咩都做得, 又或者闊到唔知做咩!
身邊的同學入左呢一科先知自己唔鍾意呢一科,
太理論係其中一個原因, 而最主要的原因係對將來就業無保障!!!
雖然我完全認同, 明白。
不過, 我都無後悔我讀左呢一科, 因為我理解事物多左, 闊左,甚至對我人生都有幫助...
而我更加清楚將來想走的路。。。

而係呢2年入面最值得高興係我能夠識到一班好朋友,
mirror, creamb, poyin, helen, wawa (排名不分先後)
可惜仲有2個月就要分別了, 好唔捨得呀!
人真係好矛盾, 又想早早辛苦完可以畢業了, 又要感受分別的煎熬。。。

<唔經歷過根本唔知道自己真正的喜好! 上天真好, 讓我們有自由意志。>